ಗುರುಭ್ಯೋ ನಮಃ

ತನ್ನ ಗುರುವಿಗೆ ಜನ್ಮ ನೀಡುವವ ಶಿಷ್ಯ.
ಮಹಾಭಾರತದ ಮಹಾಯುದ್ಧರಂಗದಲ್ಲಿ ಅರ್ಜುನ ನಿರ್ವೀರ್ಯನಾಗಿ ಯುದ್ಧವನೊಲ್ಲೆ ಎಂದು ಶಸ್ತ್ರತ್ಯಾಗ ಮಾಡಿದ. ದುಷ್ಟದಮನ ಕ್ಷತ್ರಿಯನ ಬದುಕು. ಅವನನ್ನು ಕರ್ತವ್ಯಮುಖನನ್ನಾಗಿ ಮಾಡಲು ಗುರುವಾಗಿ ಬಂದ ಶ್ರೀಕೃಷ್ಣ ಪರಮಾತ್ಮ ಭಗವದ್ಗೀತೆಯನ್ನು ಉಪದೇಶಿಸಿದ. ಜಗತ್ತಿಗೆ ಗುರುವಾದ.

Image have all standard licence belongs to Concerned person. Copying is purely offensive.

ನಚಿಕೇತ ತಂದೆಯ ಮಾತನ್ನು ಸತ್ಯವಾಗಿಸಲು ಯಮಪುರಿಗೆ ಹೋದ. ಯಮನಿರಲಿಲ್ಲ ಅಲ್ಲಿ. ಕಾದು ಕುಳಿತ ನಚಿಕೇತ. ಮೂರು ದಿನಗಳ ಅನಂತರ ಮರಳಿದ ಯಮಧರ್ಮ ಬ್ರಾಹ್ಮಣ ವಟುವನ್ನು ಅನ್ನಾಹಾರಗಳಿಲ್ಲದೇ ಕಾಯಿಸಿದ ತಪ್ಪಿಗಾಗಿ ಮೂರು ವರ ಕೇಳುವಂತೆ ಹೇಳಿದ. ನಚಿಕೇತ ಮೂರನೆಯ ವರವಾಗಿ ಬ್ರಹ್ಮಜ್ಞಾನ ಉಪದೇಶಿಸು ಎಂದ. ಇಂದ್ರ ಪದವಿಯ ಆಮಿಷ ಒಡ್ಡಿದರೂ ಒಡಂಬಡಲಿಲ್ಲ. ಕಡೆಗೂ ಸೋತ ಯಮಧರ್ಮ ಪರಮಸತ್ಯ ದರ್ಶನ ಮಾಡಿಸಿದ. ಕಠೋಪನಿಷತ್ತೆಂಬ ಜ್ಞಾನನಿಧಿ ಜಗತ್ತಿಗೆ ಲಭ್ಯವಾಯಿತು.

ಹೀಗೆ ಉದ್ಧವ, ವಿಧುರ, ವಶಿಷ್ಠ, ಭಿಷ್ಮಾಚಾರ್ಯರಂಥ ಅಸಂಖ್ಯ 'ಗುರು'ವರ್ಯರ ಪರಂಪರೆ ಇದೆ ನಮಗೆ. ಧರ್ಮರಾಯ, ಶ್ರೀರಾಮಚಂದ್ರ, ಶಬರಿ, ಅನುಸೂಯೆ,.ಸೀತೆಯರು ಆದರ್ಶರಾಗಿದ್ದಾರೆ.

Image have all standard licence belongs to Concerned person. Copying is purely offensive.

ಒಂದು ಸಲ ಅಕ್ಬರ ಬಾದಷಾಹನಿಗೆ ತನ್ನ ಪ್ರಜೆಗಳು ತನಗೆ ವಿಧೇಯರಾಗಿದ್ದರೋ ಇಲ್ಲವೋ, ನನ್ನ ಮೇಲವರಿಗೆ ಪ್ರೀತಿ, ಗೌರವಗಳಿವೆಯೋ, ಇಲ್ಲವೋ ಎಂಬ ಸಂದೇಹ ಉಂಟಾಯಿತು. ಸಭೆಯಲ್ಲಿ ಪ್ರಶ್ನೆ ಕೇಳಿದ. ಪ್ರತಿಯೊಬ್ಬ ಸಭಾಸದನೂ ಖಂಡಿತಕ್ಕೂ ಇದೆ. ನಿಮಗಾಗಿ ನಮ್ಮ ಪ್ರಜೆಗಳು ಜೀವ ನೀಡಲೂ ಸಿದ್ಧರು ಎಂದೆಲ್ಲ ಉತ್ತರಿಸಿದರು.

ಆದರೆ ಬೀರಬಲ್ಲನ ಉತ್ತರ ಬೇರೆಯಾಗಿತ್ತು. ವಿಧೇಯತೆ ಇರಬಹುದು, ಆದರದು ನಮ್ಮ ಮೇಲಿನ ಹೆದರಿಕೆಯಿಂದಲೇ ಹೊರತು ಪ್ರೀತಿ, ಗೌರವಗಳಿಂದಲ್ಲ ಎಂದ ಖಡಾಖಂಡಿತವಾಗಿ. ಸಹಜವಾಗಿ ಅಕ್ಬರನಿಗೆ ಇದು ರುಚಿಸಲಿಲ್ಲ. ಸತ್ಯ ಯಾವಾಗಲೂ ಕಹಿಯೇ ನೋಡಿ. ಸರಿ, ಅದನ್ನು ಸಾಬೀತುಪಡಿಸಿ ತೋರಿಸು ಎಂದ ಬೀರಬಲ್ಲನಿಗೆ.

Image have all standard licence belongs to Concerned person. Copying is purely offensive.

ಬೀರಬಲ್ಲ ಒಂದು ಫರ್ಮಾನು ಹೊರಡಿಸಿದ. "ಅಕ್ಬರನಿಗೆ ಒಂದು ದೊಡ್ಡ ಬಾನೆ ತುಂಬಾ ಹಾಲು ಬೇಕಾಗಿದೆ. ಸಮಸ್ತರೂ ಒಂದೊಂದು ತಂಬಿಗೆ ಹಾಲು ತಂದು ಅರಮನೆ ಅಂಗಳದಲ್ಲಿರುವ ಬಾನೆಗೆ ಸುರಿಯಬೇಕು" ಎಂದಿತ್ತು. ಸರಿ, ನಿಗದಿತ ದಿನ ಜನ ಸಾಲುಕಟ್ಟಿ, ತಂಬಿಗೆ ಹಿಡಿದು ಬಂದರು. ಸಂಜೆಯಾಗುತ್ತಿರುವಂತೆ ಬಾನೆ ತುಂಬಿತು. ಅಕ್ಬರ ಸ್ವತಃ ಅದರ ಮುಚ್ಚಳ ತೆರೆದ. ಆಹಾ! ಬಾನೆ ತುಂಬಾ ಬರೀ ನೀರು ಮಾತ್ರ ತುಂಬಿತ್ತು. ಎಲ್ಲರೂ ಹಾಲು ತರುತ್ತಾರೆ, ನಾನು ಒಬ್ಬ ಮಾತ್ರ ನೀರು ತಂದರೆ ಯಾರಿಗೂ ತಿಳಿಯುವುದಿಲ್ಲ ಎಂದು ಚಿಂತಿಸಿದ್ದರು.

ಮತ್ತೊಮ್ಮೆ ಡಂಗುರ ಸಾರಲಾಯಿತು. "ಹೋದಸಲದಂತಾಗಬಾರದೆಂದು ಸ್ವತಃ ಬಾದಷಾಹರೇ ಉಸ್ತುವಾರಿ ವಹಿಸುವವರಿದ್ದಾರೆ. ಹಾಲು ತರಬೇಕು" ಮತ್ತೊಮ್ಮೆ ಜನ ಸಾಲುಗಟ್ಟಿ, ತಂಬಿಗೆ ಹಿಡಿದು ಬಂದರು. ಸಂಜೆಯಾಗುತ್ತಿರುವಂತೆ ಬಾನೆ ತುಂಬಿತು. ಆ ದಿನ ಸ್ವತಃ ಅಕ್ಬರನೇ ಸಭಾಸದರೊಂದಿಗೆ ಬಾನೆಯ ಮುಂದಿನ ವೇದಿಕೆಯಲ್ಲಿ ಕುಳಿತು ಬರುವ ಮಂದಿಯನ್ನು ಗಮನಿಸುತ್ತಿದ್ದ. ಬಾನೆಯ ಮುಚ್ಚಳ ತೆರೆಯಲಾಯಿತು. ಬಾನೆ ತುಂಬಾ ಹಾಲು ತುಂಬಿತ್ತು.


ಗಮನಿಸುವವನಿದ್ದಾನೆ ಎನ್ನುವಾಗ ತಪ್ಪು ಮಾಡಲು ಮನಸ್ಸು ಹೆದರುತ್ತದೆ. 

Image have all standard licence belongs to Concerned person. Copying is purely offensive.

ಇದಕ್ಕೆಂದೇ ನಮ್ಮ ಪರಂಪರೆ ಗುರುವಿಗೊಂದು ಉನ್ನತ ಸ್ಥಾನ ಕಲ್ಪಿಸಿಟ್ಟಿತ್ತು. ಮೊದಲ ಹಂತದ 'ಆಸಕ್ತನಿಗೆ ಹಾದಿ ತೋರಿಸಲೆಂದೂ, ಹಾದಿ ತಪ್ಪಿದವನಿಗೆ ಸರಿ ಹಾದಿ ತೋರಿಸಲೆಂದಿರಬಹುದು. ಅದರ ಕಲಿತದ್ದನ್ನು ಗಮನಿಸಿ, ತಪ್ಪುಗಳಿದ್ದಲ್ಲಿ ತಿದ್ದಿ, ಹಾದಿ ತಪ್ಪದಂತೆ ನೋಡಿಕೊಳ್ಳುವವನೇ 'ಗುರು'.


ತಿಳಿದ, ತಿಳಿಯದ ಅಸಂಖ್ಯ ರೀತಿಯಲ್ಲಿ ಮಾರ್ಗದರ್ಶನ ಮಾಡಿದವರೆಲ್ಲರೂ 'ಗುರು'ವೇ. ಒಂದೇ ಒಂದು ಅಕ್ಷರ ಕಲಿಸಿದವನೂ ಗುರು ಎನ್ನುತ್ತದೆ ನಮ್ಮ ಪರಂಪರೆ.

ಇದಿಷ್ಟು ಕಣ್ಣಿಗೆ ಕಾಣುವ 'ಗುರು'. ಆದರೆ ನಮ್ಮೊಳಗೆ ಅಂತರ್ಗತವಾಗಿದ್ದು, ಕೈ ಹಿಡಿದು ನಡೆಸುವ ಅದಮ್ಯ ಶಕ್ತಿಯೊಂದಿದೆ. ಅದು ಪರಮಗುರು. 
ಜೀವ ಮೂಲ ಸೃಷ್ಟಿಯೊಂದಿಗೆ ಹುಟ್ಟಿತು. ಆ ಕ್ಷಣ ನಡೆದ ಘಟನೆ ಅದರ ಚಿತ್ತದಲ್ಲಿ ದಾಖಲಾಯಿತು. ಬೌತಿಕ ವಸ್ತುಗಳ ಸಂಪರ್ಕದಿಂದ ದೇಹಧಾರಣೆಯಾಯಿತು. ಭವಚಕ್ರದ ಪರಿಭ್ರಮಣಕ್ಕೆ ಮೊದಲಾಯಿತು. ಕರ್ಮಲೇಪ ಉಂಟಾಯಿತು. ಎಷ್ಟು ಬಾರಿ ಹುಟ್ಟಿದೇವೋ, ಸತ್ತೆವೋ ಎಂತೆಥ ದೇಹಗಳಾದವೋ!

ಇವೆಲ್ಲದರ ಅನುಭವ, ಅರಿವಿನ ಜ್ಞಾನ, ಜೀವದೊಂದಿಗೆ,ದೇಹದಿಂದ ದೇಹಕ್ಕೆ ಪಯಣಿಸುತ್ತದೆ. ಈ ಅನುಭವದ ಅರಿವೇ ಮುಕ್ತಿ. ಜೀವ ಬುದ್ಧಿಯನ್ನು ಸದಾ ಎಚ್ಚರಿಸುತ್ತದೆ. ಸತ್ಪಥದತ್ತ ಎಳೆಯುತ್ತದೆ. ಆದುದರಿಂದ ಅದೇ ಪರಮಗುರು.

ಒಳಗಿದ್ದು ನಡೆಸುವ, ಹೊರಗಿನಿಂದ ಹಾದಿ ತೋರಿಸುವ, ಇಲ್ಲಿಯವರೆಗೆ ಆಗಿಹೋದ, ಮುಂದೆ ಬರಲಿರುವ ಸಮಸ್ತಗುರುಗಳಿಗೆ, ಪರಂಪರೆಗಳಿಗೆ ನಮಿಸೋಣ.



( Copyright © 2015-16 by Anand Joshi
All rights reserved. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without the prior written permission of the publisher, except in the case of brief quotations embodied in critical reviews and certain other noncommercial uses permitted by copyright law. For permission requests, write to the publisher, addressed “Attention: Permissions Coordinator,” at the address below. 

anandjoshi9@live.com
+91-9483998343 )   

Account ID: pub-2871201476498332 Client ID: ca-pub-2871201476498332